بنت شيخ

مل عين عذبتني من سهرها = لها سود العيون الناعسيه

بنت عم ماقدرت أجمع مهرها = وبنت خال توها طفله بريه

وبنت جار جرها قلبي وأسرها =وبنت حاره فرها أبوها عليه

وبنت ناس جابت العالم خبرها =قالو عنها كل حسن وجاذبيه

قلت أبيها ياجماعه لاخسرها = قالو راحت مالك إلا أجنبيه

قلت بجلس وطلب الغيمه مطرها=اطلب الله كل صبح وكل مسيه

اطلب الله بنت محد لي ذكرها = بنت عز وعزها النفس الأبيه

بنت شيخ تعطش حروفي لبحرها=هي سماي وكل ريم وراعبيه

لوتوقف ماسلمنا من خطرها = ولامشت توقف العالم سويه

مل عين عذبتني من سهرها = عذبتني في عيون الوايليه